Sabunçuda dəmiryol keçidi tunellə əvəz olunacaq
Bakı-Sabunçu-Pirşağı-Sumqayıt dairəvi dəmir yolunda yenidənqurma işləri aparılacaq.
“Azərbaycan Dəmir Yolları” QSC-dən Oxu.Az-a verilən məlumata görə, yenidənqurma işləri ilə əlaqədar olaraq, təhlükəsizliyin təmin olunması məqsədilə Asəf Əsədullayev küçəsi ilə Qambay Vəzirov küçəsinin kəsişdiyi yerdə - 13-cü kilometrin 3-cü piketində (Sabunçu stansiyasının girişi) eyni səviyyəli dəmiryol keçidi yeraltı tunellə əvəz olunacaq.
Bununla əlaqədar olaraq, 22 avqust 2019-cu il səhər saat 08:00-dan etibarən həmin keçiddən avtomobillərin hərəkəti dayandırılacaq.
Yeni tunelin inşası başa çatana qədər avtomobil sürücülərindən alternativ yollardan istifadə etmələri xahiş olunur.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət