Sabah bütün Almaniya üzrə "xəbərdarlıq siqnalı" testdən keçiriləcək

Sabah bütün Almaniya üzrə "xəbərdarlıq siqnalı" testdən keçiriləcək

Sentyabrın 10-da Almaniyada sınaq məqsədilə "xəbərdarlıq siqnalı" veriləcək.

Ens.Az AZƏRTAC-a istinadən bildirir ki, həyəcan siqnalı saat 11.00-da səsləndiriləcək.

Siqnalın sınağının ölkənin bütün ərazisi üzrə keçirilməsi barədə qərar federal hökumət səviyyəsində qəbul edilib. Bundan məqsəd təbii fəlakətlər, terror aktları, ekstremistlərin hücumu və ya təhlükəli maddələrin aşkarlanması zamanı ümummilli həyəcan siqnalının təsirinə əhalinin reaksiyasını yoxlamaqdır.

Treninq, həmçinin vətəndaşların gözlənilməyən vəziyyətlərdə həm özünü, həm də doğma və yaxınlarını dərhal təhlükədən qoruması üçün bu sirenalara düzgün reaksiya verməyi öyrətməyə istiqamətlənib.