Rusiya yeni gizli raketini sınaqdan keçirib

Rusiya gizli saxlanılan yeni hava hücumundan müdafiə raketini sınaqdan keçirib.

Rusiya gizli saxlanılan yeni hava hücumundan müdafiə raketini sınaqdan keçirib.

"Report" "RİA Novosti"yə istinadən xəbər verir ki, raketin buraxılması kadrlarını "Zvezda" telekanalı yayıb.

Sınaq Qazaxıstanda Sarı-Şağan poliqonunda keçirilib. Hava hücumundan müdafiə raketi şərti hədəfi tam dəqiqliklə vurub.

Yeni raketin dünyada analoqunun olmadığı iddia edilir. Raketin bütün xüsusiyyətləri - sürəti, uçuş məsafəsi və hətta xarici görünüşü belə gizli saxlanılır.

Hava hücumundan müdafiə sistemi Rusiya Hərbi Kosmik Qüvvələrin Raket Əleyhinə Müdafiə Qoşunlarının arsenalındadır və paytaxt Moskvanı, eləcə də Mərkəzi Sənaye Bölgəsini ballistik raket hücumlarından qorumaq üçün nəzərdə tutulub.