Rus donanması Krımdan belə çıxacaq...

Ukrayna ordusu yarımadanın azad edilməsi üzrə əməliyyat keçirəcəyi təqdirdə Rusiya Qara dəniz Donanmasını müvəqqəti işğal olunmuş Krımdan çıxaracaq. 

Axar.az xəbər verir ki, bunu Ukrayna Milli Müdafiə Universitetinin Hərbi Dəniz Qüvvələri kafedrasının rəhbəri Stepan Yakimyak deyib.

"Qara dəniz Donanmasının əsas vəzifəsi müdafiə edən qüvvələrə və qoşunlara dəstək vermək deyil. Bu, çox güman ki, evakuasiya olacaq. Ən əsası isə bu, Krımdan bizim əmlakımızı oğurlamaq cəhdidir. İkinci Dünya müharibəsini xatırlaya bilərik, o zaman da belə oldu", - o bildirib.

O qeyd edib ki, Rusiya öz donanmasını Novorossiysk və Qara dənizdəki digər limanlara köçürəcək:

"Ona görə də Krımın azad edilməsi zamanı Ukrayna ordusunun vasitələrinin Rusiya gəmilərinə çatması zəruridir. "Moskva" kreyserinin məğlubiyyətinin təcrübəsi və digər uğurlu əməliyyatlar göstərir ki, indi bizim strateji və intellektual təşəbbüsümüz var".