Riyaziyyat müəllimi olmaq istəyənlər iyulun 23-də test imtahanı verəcəklər

Riyaziyyat müəllimi olmaq istəyənlər iyulun 23-də test imtahanı verəcəklər

İyulun 20-də ingilis və alman dilləri üzrə keçirilmiş test imtahanlarında 2918 nəfər iştirak edib.

Təhsil Nazirliyindən AZƏRTAC-a bildiriblər ki, namizədlər arasında ən yüksək nəticə olaraq ingilis dili üzrə 54, alman dili üzrə isə 56 bal qeydə alınıb. İyulun 23-də riyaziyyat üzrə keçiriləcək test imtahanlarında isə 3524 namizədin iştirakı nəzərdə tutulur.

Müəllimlərin işə qəbulu üzrə müsabiqənin test mərhələsi Azərbaycan Texniki Universitetinin İdman Kompleksində keçirilir. Namizədlərə ixtisaslarına uyğun olaraq ümumtəhsil məktəblərinin fənn proqramının məzmunu üzrə 40, metodika, təlim strategiyaları üzrə 10 və məntiq üzrə 10 sual olmaqla ümumilikdə 60 sualı cavablandırmaq üçün 90 dəqiqə vaxt verilir.