Red Moon şirkəti eyni adla içərisi açıq-qırmızı olan alma növü yetişdirib.
Red Moon şirkəti Fruit Logistica 2018 sərgisində içərisi qeyri-adi qırmızı rəngdə olan eyni adlı alma növünü təqdim etdi. Onların məqsədi həm təzə, həm də emal olunmuş qida məhsullarının müxtəlifliyini nümayiş etdirməkdir. Şirkət nümayəndələri əmin edir ki, yeni növün əla dad keyfiyyətinin hesabına ondan şirə, kokteyl və s. hazırlanması üçün istifadə oluna bilər.
“İstehlakçılar bizim almaların xarici görünüşünə heyrandır, onların xoşuna həm rəng, həm də dad gəlir. Bundan başqa Red Moon bu məhsulun C vitamini və antosianinin yüksək tərkibinə görə yüksək qida xüsusiyyətinə əmindir”, - Red Moon şirkəti press relizdə bəyan edib. 2018-ci ildə Red Moon növü İtaliyada artıq 35 hektar ərazidə əkilib, Fransada isə ərazi 23 hektara çatıb.
Red Moon Company şirkətinin əsası məhsulların yığılmasından satışına qədər bütün istehsal prosesi üzrə yüksək təcrübəyə malik İtaliya, Fransa və Niderlanddan olan professionalların birliyidir.
Tərcümə: Famil Ələkbərov
Mənbə: Populyarnaya Mexanika
Şərhlər
Şərhləri göstər Şərhləri gizlət