Rayan Giqqzin rekordu qırıldı
İngiltərənin “Everton” klubunun futbolçusu Teo Uolkott Premyer Liqada qeyri-adi rekorda imza atıb.
Apasport.az saytının məlumatına görə, yarımmüdafiəçinin bu göstəricisi XXIV turun “Nyukasl”la görüşündə rəsmiləşib.
2:2 hesabı ilə başa çatan matça start heyətində başlayan Uolkott 88-ci dəqiqədə meydanı tərk edib. O, Premyer Liqa karyerasında 135-ci dəfə əvəzlənib.
Bu isə mütləq rekorddur. Uolkott ən çox əvəzlənən futbolçu adına yiyələnərək “Mançester Yunayted”in əfsanəsi
Rayan Giqqz və “Mançester Siti”li David Silvanı keçib. Onlar hərəyə 134 dəfə əvəzləniblər.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət