Ramil Usubov

Ramil İdris oğlu Usubov (d. 22 dekabr1948; Xocalı, Azərbaycan SSR) — azərbaycanlı siyasətçi və polis, Azərbaycanın 7-ci daxili işlər naziri(1994—), Naxçıvan MR-nın daxili işlər naziri (1993—1994) və Naxçıvan MR-nın daxili işlər naziri (1987—1989).

Həyatı

Ramil Usubov 1948-ci il dekabrın 22-də Xocalı şəhərində İdris və Rəna Usubovların ailəsində anadan olub. 1966-cı ildən 1968-ci ilə qədər Sovet İttifaqı Silahlı Qüvvələrinin Şərqi Almaniyada yerləşən hərbi bazaların birində həqiqi hərbi xidmətdə olan Ramil Usubov, 1972-ci ildə N. Rzayev adına Bakı Xüsusi Orta Milis Məktəbini bitirib.

Fəaliyyəti

Ramil Usubov 1975-ci ildən 1980-cı ilə qədər Şuşa rayon Polis Şöbəsində cinayət axtarış bölməsinin rəisi vəzifəsində çalışıb. 1980-cı ildən 1984-cü ilə qədər Dağlıq Qarabağ Muxtar Vilayəti Daxili İşlər Nazirliyinin rəis müavini olan Ramil Usubov, 1984-cü ildən 1987-ci ilə qədər Əli-Bayramlı (hal-hazırda Şirvan şəhəri) şəhər Polis Şöbəsində rəis vəzifəsində çalışıb.

1987-ci ildə Ramil Usubov, Azərbaycan SSR Nazirlər Sovetinin sədri Həsən Seyidov tərəfindən Naxçıvan MSSR-nın daxili işlər naziri vəzifəsinə təyin edildi. 1989-cu ildə isə o, Nazirlər Sovetinin yeni sədri Ayaz Mütəllibov tərəfindən tutduğu vəzifədən azad edildi. Həmin ildən 1991-ci ilə qədər Azərbaycan SSR Daxili İşlər Nazirliyi Cinayət Axtarış İdarəsinin rəisi vəzifəsində çalışan Ramil Usubov, 1991-ci ildən 1992-ci ilə qədər Azərbaycan Daxili İşlər Nazirliyinin Pasport, Viza və Qeydiyyat İdarəsinin rəisi, 1992-ci ildən 1993-cü ilə qədər isə həmin orqanın Kadrlar İdarəsinin şöbə rəisi olub.

Ramil Usubov 1993-cü il avqustun 11-də Naxçıvan MR Ali Məclisininsədri Heydər Əliyev tərəfindən Naxçıvan MR-nın daxili işlər naziri vəzifəsinə təyin edildi. 1994-cü il aprelin 29-da Azərbaycan PrezidentiHeydər Əliyevin imzaladığı Sərəncam ilə isə Ramil Usubov, Naxçıvan MR-nın daxili işlər naziri vəzifəsindən azad edildi və Azərbaycanın daxili işlər naziri vəzifəsinə təyin edildi.^[1] Azərbaycanın sayca 7-ci daxili işlər naziri olan Ramil Usubov, bu postda 1993-cü ildən həmin vəzifəni icra edən Vaqif Novruzovu əvəzlədi.

2018-ci il iyunun 29-da Azərbaycan Prezidenti İlham Əliyev, Azərbaycan Polisinin yaranmasının 100 illiyi münasibəti ilə Azərbaycanın daxili işlər naziri Ramil Usubovun I dərəcəli Vətəni xidmətə görə ordeni ilə təltif edilməsi haqqında 263 nömrəli Sərəncam imzaladı.

2018-ci il dekabrın 22-də 70 yaşı tamam olan Ramil Usubov, Azərbaycan Prezidenti İlham Əliyevin həmin gün imzaladığı Sərəncam ilə Şöhrət ordeni ilə təltif edildi.

Ailəsi

Ramil Usubov ailəlidir, Emil və Raul adında 2 oğul və 1 qız övladı var.

• Emil Usubov(d. 1976) — polis general-mayorudur; 2004-cü ildə "İgidliyə görə" medalı ilə, 2018-ci ildə isə "Vətən uğrunda" medalı ilə təltif edilib.
• Raul Usubov(d. 1979) — polis polqovniq-leytenantıdır; 2015-ci ildə "İgidliyə görə" medalı ilə təltif edilib.