Qiymətləri endirin, amma çox da yox: Tramp Səudiyyə Ərəbistanından nə istəmişdi

Politico nəşrinin yazdığına görə, Ağ Evin rəhbəri Donald Tramp Səudiyyə Ərəbistanından neft hasilatını daha da artırmağı xahiş edib, lakin ABŞ üçün təhlükəli olmayan həddə qədər. Amerika lideri Ər-Riyadı karbohidrogen qiymətlərini aşağı səviyyədə, lakin ABŞ neft şirkətlərinin uğurla işləmələrinə davam edə bilmələri üçün uyğun həddə saxlamağa çağırıb.

Səudiyyə Ərəbistanı neft hasilatını artırmağa davam etməlidir, lakin ABŞ üçün təhlükəli olmayan həddə. Ağ Ev rəhbəri Donald Trump martın 9-da vəliəhd şahzadə Məhəmməd bin Salman Əl Saud ilə telefon danışığında deyib.

ABŞ prezident administrasiyası isə bu söhbətin məzmununun təfərrüatlarını izah etməyərək, sadəcə belə bir şərhlə kifayətlənib : "dövlət başçıları dünya enerji bazarları və digər vacib regional və ikitərəfli problemlər ətrafında müzakirələr aparıblar" - TASS xəbər verir.

Tezliklə Səudiyyə Ərəbistanı və Körfəz ölkələrini ciddi iqtisadi böhran gözləyir. Bu barədə Bloomberg üçün yazdığı köşə yazısında analitik Devid Fiklinq qeyd edib.

"Neft bazarlarında qiymət müharibəsi, yalnız Körfəz ölkələrinin qeyri-sabit iqtisadiyyatına amansız hesab təqdim edəcəyi anın yaxınlaşmasını sürətləndirəcək" deyə jurnalist bildirib.

Fiklinqə görə, Səudiyyə Ərəbistanının beynəlxalq ehtiyatları azalacaq - o, Beynəlxalq Valyuta Fondunun 2019-cu il üçün məlumatlarını araşdıraraq belə bir nəticəyə gəlib. O, həmçinin, Səudiyyənin ehtiyatının azalmasının 2024-cü ildə - beş aylıq idxal xərclərinə çatacağını güman edir- əgər neftin qiyməti bir barrel üçün 50-55 dollar arasında olacaqsa.

Ens.az bildirir ki, Fiklinq hətra belə vəziyyətdə də, Səudiyyə monarxiyasını "inanılmaz bir böhran" gözlədiyini vurğulayıb. Əgər neft qiymətləri bir barrel üçün 20 dollar civarında qalacaqsa, Səudiyyə Ərəbistanı 2027-ci ilə qədər bütün pullarını itirəcəkdir.

"Fars Körfəzindəki monarxiyalar təsirli bir sərvət dalğasında gəzib və son əlli il ərzində dayana bildilər, lakin hər hansı bir dalğa sonda yox olur. Gələcək nəsillər atalarının bugünkü sərvətlərini heç zaman görməyəcəklər ”deyə jurnalist Ərəbistan yarımadasının sakinləri üçün çətin bir tale proqnozlaşdırır.

Dünya bazarlarında çöküş martın 9-da başladı. Bundan əvvəl isə OPEC + neft ixrac edən ölkələrin neft hasilatını azaltmaq üçün sövdələşmədən çıxması baş verdi. OPEK ölkələri ikinci rübdə hasilatı gündə 1,5 milyon barel azaltmağı təklif etdilər, lakin martın 6-da Vyanada aparılan danışıqlar nəticəsiz qaldı. Aprelin 1-dən etibarən OPEC və qeyri-OPEC ölkələrinin hasilatı azaltmaq öhdəliyi yoxdur.

Rusiyanın Baş naziri Mixail Mişustinin sözlərinə görə, sazişdən çıxmağa təşəbbüs göatərən Rusiya olmayıb, mövcud sövdələşməni ikinci rübün sonuna və ya bu ilin axırınadək uzadılmasını təklif edib. O öz çıxışında, eyni zamanda qlobal bazarlarda sabitliyin olmamasına baxmayaraq Rusiya iqtisadiyyatındakı vəziyyətin nəzarət altında olduğunu bildirib.

İstehsalın azaldılması barədə razılaşmadan çəkilmə xəbərindən sonra ilk iş günü, 9 martda neftin qiyməti 30% aşağı düşdü.

Qiymət təyin etməsinin düşməsi 1991-ci ildən bəri ən güclü bir günlük çökmə oldu.

Mənbə: www.gazeta.ru