Qida təhlükəsizliyi qanunla tənzimlənəcək

Qida təhlükəsizliyi qanunla tənzimlənəcək

Qida təhlükəsizliyi ilə bağlı ayrıca müstəqil qanun olacaq.

Oxu.Az-ın xəbərinə görə, bu barədə Milli Məclisin (MM) Aqrar siyasət komitəsinin sədri, professor Eldar İbrahimov parlamentin qarşıdan gələn 2019-cu il yaz sessiyası ilə bağlı adıçəkilən komitənin yanvarın 31-də keçirilən ilk iclasında məlumat verib.

O qeyd edib ki, yaz sessiyası dövründə komitəyə “Qida təhlükəsizliyi haqqında” yeni qanun layihəsinin təqdim edilməsi gözlənilir:

“Hesab edirəm ki, belə bir qanun layihəsinin qəbuluna ehtiyac var. Çox güman ki, yaz sessiyası dövründə bu sənədlə bağlı ən azı ilkin müzakirələri apara biləcəyik”.