Qəribə olay: Meşədə ölü balina tapıldı
Braziliyanın şimal-şərqində, Marayu adasının Araruna sahilində təxminən 10 ton ağırlığında olan nəhəng ölü balina tapılıb.
Axar.az xəbər verir ki, Amazon meşələrinin dərinliyində tapılan balinanı buraya nəhəng dalğaların gətirdiyi ehtimal edilir.
Ərazidə araşdırma aparan mütəxəssislər balinanın okeanda öldüyü, sonradan sahilə atıldığı versiyası üzərində dayanıblar.
Nəhəng balığın üzərində hər hansı zərbə izinin tapılmaması onun insanlar tərəfindən öldürülməsi ehtimalını da sıfıra endirir.
Məlumata görə, balinanın ölüm səbəbinin dəqiq müəyyənləşdirilməsi üçün cəsədin üzərində yarılma əməliyyatı aparılacaq.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət