Qazaxıstanlı turist: Azərbaycanda özümüzü evimizdəki kimi hiss edirik

Qazaxıstanlı turist: Azərbaycanda özümüzü evimizdəki kimi hiss edirik

İlk növbədə, xalqınızı Dünya Azərbaycanlılarının Həmrəylik Günü və Yeni il bayramı münasibətilə təbrik edirəm. Ölkələrimiz arasında tarixən mövcud olan möhkəm dostluq və əməkdaşlıq münasibətlərinin daim inkişaf etməsini arzulayıram. Biz Azərbaycanda özümüzü evimizdəki kimi hiss edirik.

Bu sözləri Qazaxıstanın Karaqanda şəhərindən olan turist Reyhan Qolimuliva AZƏRTAC-ın bölgə müxbirinə müsahibəsində deyib.

On gündən çoxdur Naftalan şəhərindəki “Qaşaltı” sanatoriyasında dincəldiyini vurğulayan turist Şəkiyə ekskursiyanın onda çox böyük təəssürat oyatdığını bildirib.

Azərbaycanlılarla ünsiyyətdə olmağın çox xoş olduğunu qeyd edən qazaxıstanlı qonaq deyib: “İnsanlarınız çox diqqətli və səmimidirlər. Onlar turistlərə hər vasitə ilə kömək etmək istəyirlər. Ölkənizin bütün bölgələri gözəldir. Mən öz şəhərimə xoş təəssüratlarla qayıdacağam”.