“Qarabağ”dan azarkeşlərə xüsusi - Jest
“Qarabağ” klubu İrlandiyanın “Dandalk” komandası ilə Bakıda keçirəcəyi UEFA Çempionlar Liqasının II təsnifat mərhələsinin cavab oyununa azarkeşlər üçün xüsusi avtobuslar ayırıb.
Axar.az xəbər verir ki, iyulun 31-i saat 18:30-dan 19:45-dək 10 dəqiqəlik intervalla “Koroğlu” metrostansiyasından matçın keçiriləcəyi “Dalğa Arena”ya avtobuslar hərəkət edəcək.
“Qarabağ” loqolu avtobuslara yalnız oyun biletini ilə giriş olacaq. Oyundan sonra isə avtobuslar yenidən azarkeşləri stadiondan “Koroğlu”ya geri qaytaracaq.
Qeyd edək ki, matç saat 21:00-da başlayacaq. İlk görüşdə 1:1 hesablı heç-heçə qeydə alınıb.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət