Putinin müsahibəsi “Emmi” qazana bilər
Rusiya Prezidenti Vladimir Putinin “Fox News”a verdiyi müsahibə nüfuzlu “Emmi” mükafatına namizəd olub.
Bu barədə “İnterfaks” xəbər yayıb.
Bildirilib ki, kanalın müxbiri Kris Uollersin 2018-ci ildə Helsinkidə baş tutan ABŞ – Rusiya Sammitindən sonra götürdüyü müsahibə “Canlı müsahibələr” kateqoriyası üzrə namizəd olub.
Bu, “Fox News” üçün ilk belə haldır. Sözügedən müsahibə müxtəlif kanallarda yayımlanmış daha altı verilişlə mübarizə aparacaq.
Qeyd edək ki, “Emmi” mükafatı 1946-cı ildən təqdim olunur. Dünyanın ən nüfuzlu incəsənət və televiziya müsabiqələrindən biri hesab olunan tədbirin 71-ci mərasimi sentyabrın 22-də Los-Ancelesdə baş tutacaq.
Şərhlər
Şərhləri göstər Şərhləri gizlət