“Putinə güvənirəm, sənə isə yox” – Əsəddən Ərdoğana şok

“Putinə güvənirəm, sənə isə yox” – Əsəddən Ərdoğana şok

“Suriya Prezidenti Bəşər Əsəd İdlib böhranını həll etmək üçün tərəfləri razılaşdırılmış anlaşmaları həyata keçirməyə çağırır”.

Teleqraf.com xəbər verir ki, bunu Suriya Xarici İşlər nazirinin müavini Faysal Mikdad deyib.

Suriyalı diplomat rəsmi Ankaranın razılaşmalara əməl etməsinə şübhə ilə baxdığını bildirib:

“Biz Rusiyaya etibar edirik, amma Türkiyəyə yox”.

Qeyd edək ki, martın 5-də Suriyanın İdlib əyalətində vəziyyətin gərginləşməsi ilə əlaqədar Rusiya və Türkiyə prezidentləri Vladimir Putin və Rəcəb Tayyib Ərdoğan arasında danışıqlar baş tutub. Görüşdən sonra ortaq sənəd qəbul edilib. Tərəflər Astana formatına sadiq olduqlarını bir daha təsdiqləyib və həmin gün atəşkəs rejiminin tətbiq olunduğunu elan ediblər.

Tərəflər strateji əhəmiyyətli M4 avtomobil yolunda birgə patrul xidməti həyata keçirmək barədə də razılığa gəlib.