Protein kokteylləri ömrü qısaldır – Kişi sağlamlığına 3 zərəri

Protein kokteylləri ömrü qısaldır – Kişi sağlamlığına 3 zərəri

Orqanizmə həddən artıq protein qəbulu sağlamlıq üçün zərərlidir. Bunu Sidney Universitetinin alimləri elmi təcrübələri ilə sübub ediblər. Onlar əmin olub ki, protein kokteylləri zamanla piylənmə, depressiyaya səbəb olur, ömrü qısaldır. 

 

Medicina.az xəbər verir ki, bu gün hətta gənc qızlar və yeniyetmə oğlanlar da qısa müddətə əzələlə artırmaq və gözəl bədənə sahib olmaq üçün trener, şirkət, hətta dietoloqların təklif etdiyi dadlı protein kokteyllərinə hədsiz maraq göstərir, alıb içir. 

 

Bu qidada olan zülal sümük, əzələlər üçün vacibdir. Amma bu kokteyllərdə az qala yoxa çıxarılan karbohidratlar da orqanizm üçün vacibdir. 

Kokteyldə olan BCAA zənciri adlanan amin turşusu içərkən birbaşa əzələyə yox, əvvəlcə qana daxil olur və qanda dövr edir. Qanda triptofanla rəqabətə girərək onu dövriyyədən çıxarır. Bu hormon isə xoşbəxtlik hormonudur.

 

Beləliklə, protein kokteyli serotonin çatışmazlığı yaradaraq, depressiya yaradır, psixikaya mənfi təsir edir. İştahın azalması, yuxu pozulması, əhvalın olmaması kimi əlamətlər başlayır.

 

Alimlər laboratoriyada siçanları 2 ay BCAA zülalı ilə qidalandırıblar, siçanlar piylənmədən əziyyət çəkmiş, çoxu isə qısa müddətdə ölmüşdülər.

Bununla da sübut olunub ki, proteinlərlə qidalanma aminturşu balansını pozur, bir çox səbəblərdən insanın ömrünü qısaldır və erkən ölümə səbəb olur. 

 

Onlar məsləhət görür ki, kişilər, gənclər belə kokteylləri qəbul edəndə digər vacib qidaları da yeməli, xüsusən karbohidratları unutmamalıdır. Yaxşı olar ki, belə kokteyllərə çox aludə olmayasız.