Prezidentin köməkçisindən yas mərasimləri ilə bağlı AÇIQLAMA
“Ölkədə keçirilən yas mərasimləri qeyri-qanunidir”.
Ens.az Oxu.az-a istinadən xəbər verir ki, bunu Nazirlər Kabineti yanında operativ qərargahın keçirdiyi mətbuat konfransında Azərbaycan Respublikası Prezidentinin köməkçisi, Prezident Administrasiyasının iqtisadi məsələlər və innovativ inkişaf siyasəti şöbəsinin müdiri Şahmar Mövsümov deyib.
O bildirib ki, bu gün şəhidlərimizin vida mərasiminə, dəfn mərasiminə gələn insanlar çoxdur:
“Biz onları başa düşürük. Heç bir halda buna mane ola bilmərik. Allah şəhidlərimizə rəhmət eləsin. Lakin xahişimiz budur ki, sosial məsafəyə riayət olunsun. Mümkün qədər az insan iştirak etsin.
Digər şəxslərin isə yaxınlarına yas mərasimi keçirməsi, çoxsaylı insanların bir yerə toplaşması qeyri-qanunidir. Bu hallara yol verilməməsini tövsiyə edirik”.
Şərhlər
Şərhləri göstər Şərhləri gizlət