Plastik qabı bura at, kontur qazan - Bakıda

Bakıdakı marketlərə olduqca sərfəli fandomat aparatları quraşdırılıb

Bakıdakı marketlərə olduqca sərfəli fandomat aparatları quraşdırılıb.

Axar.az xəbər verir ki, bu aparatlar əsasən istifadə edilmiş və yararsız plastik qablar üçün nəzərdə tutulub. İstifadədən sonra əlinizdə qalan plastik qabı sözügedən aparata atmaqla kontur əldə etmək mümkündür. Lakin bu, hələlik ancaq “Azərsell” abunəçiləri üçün keçərlidir.

Plastik qabları aparata atdıqdan sonra mobil nömrənizi aparatın “Nömrə qeyd et” bölməsinə yazmaqla pulsuz danışıq dəqiqələri əldə edirsiniz. Məqsəd cəmiyyəti maarifləndirmək və təbiətə milyonlarla zərər vuran plastik qabların küçəyə atılmasını azaltmaqdır.

Sözügedən aparatlar hazırda bir neçə supermarketdə quraşdırılıb. Zamanla bütün marketlərdə quraşdırılması gözlənilir.