Paşinyan Rusiyaya getdi

Paşinyan Rusiyaya getdi

Ermənistan baş nazirinin vəzifələrini icra edən Nikol Paşinyan Rusiya prezidenti Vladimir Putinin sədrliyi ilə baş tutacaq Avrasiya İqtisadi Şurasının yüksək səviyyəli iclasında iştirak etmək üçün Sankt-Peterburqa səfərə gedib. 

Oxu.Az Ermənistan mətbuatına istinadən xəbər verir ki, iclasda internet-bazarların tənzimlənməsi, şəbəkə texnologiyalarının inkişafı, neft, qaz və neft məhsullarının ümumi bazarının formalaşdırılması müzakirə ediləcək. 

Liderlər Avrasiya İqtisadi Komissiyasının kollegiya sədrinin internet-bazarların tənzimlənməsi və şəbəkə texnologiyalarının inkişafı ilə bağlı Avrasiya İqtisadi Birliyinin 2025-ci ilədək rəqəmsal gündəliyin icrasının gedişi barədə hesabatını dinləyəcək, həmçinin Avrasiya komissiyasının ümumi neft və qaz bazarı ilə bağlı hazırladığı proqram müzakirə olunacaq.