Onlar yalnız öz dövlətlərinin maraqlarını müdafiə etmək üçün bir araya gəlirlər - Yakop Bisep

Avropa İttifaqının demokratiya ilə bağlı miflərinə son qoymaq lazımdır.

Ens.az Trend -ə istinadən xəbər verir ki,  bu barədə Qvadelupanın azadlığı naminə xalq birliyinin nümayəndəsi Yakop Bisep mətbuat konfransı zamanı deyib.

O qeyd edib ki, onlar yalnız Qərb, Avropa dövlətlərinin maraqlarını müdafiə etmək üçün bir araya gəlirlər.

“Bu səbəbdən onlara öz mübarizəmizi çatdırmaq mənasızlaşır. Fransa da müstəmləkəçiliyini gizlətməyi bacarır”,- deyə o əlavə edib.

Qeyd edək ki, sabah Bakıda Bakı Təşəbbüs Qrupunun təşkilatçılığı ilə “Neokolonizalizm: İnsan Hüquqlarının Pozulması və Ədalətsizlik” adlı beynəlxalq konfrans keçiriləcək.

Bakı Təşəbbüs Qrupu (BTQ) Azərbaycan Respublikasının sədrlik etdiyi Qoşulmama Hərəkatının Əlaqələndirmə Bürosunun nazirlər toplantısı çərçivəsində 6 iyul 2023-cü ildə Bakıda “Müstəmləkəçiliyin tamamilə aradan qaldırılmasına doğru” adlı konfransın iştirakçıları tərəfindən yaradılıb.

BTQ XXI əsrdə hələ də müstəmləkəçilikdən əziyyət çəkən dünyanın müxtəlif bölgələrində yerləşən xalqların azadlıq uğrunda apardıqları mübarizəyə dəstək verir.