Norveç Rusiya vətəndaşlarının ölkəyə girişini məhdudlaşdıracaq
Norveç turizm məqsədi ilə gələn Rusiya vətəndaşları üçün əlavə giriş məhdudiyyətləri tətbiq edir.
Ens.az Redaktor.az-a istinadən xəbər verir ki,bu barədə krallıq hökumətinin saytında yerləşdirilən məlumatında deyilir.
Yeni qaydalar mayın 29-dan qüvvəyə minir.
Sənəddə bildirilir ki, Norveç polisi göstərişlərə tabe olan vətəndaşların ölkəyə girişindən imtina edə bilər. Xüsusilə, Norveçə turizm və digər qeyri-vacib məqsədlər üçün gələn rusların sərhədi keçərkən krallığa girişi qadağan ediləcək.
Qaydaların sərtləşdirilməsi başqa ölkədən Şengen vizası almış şəxslərə də aiddir.
Eyni zamanda, Norveç krallıqda yaşayan yaxın qohumlarını görmək istəyən, habelə Norveçə və ya digər Şengen ölkələrinə işləmək və ya təhsil almaq üçün gələn Rusiya vətəndaşlarını öz ərazisinə buraxa bilər.
Şərhlər
Şərhləri göstər Şərhləri gizlət