Nobel qardaşlarının Azərbaycandakı fəaliyyəti ilə bağlı kitab yazılır

Tanınmış isveçli yazıçı və tədqiqatçı, Benqt Yanqfeldt Milli Arxiv İdarəsində olub

Tanınmış isveçli yazıçı və tədqiqatçı, Benqt Yanqfeldt Milli Arxiv İdarəsində olub.

İdarədən AZƏRTAC-a bildirilib ki, B.Yanqfeldt Nobel ailəsinin tarixi, o cümlədən bu ailənin Azərbaycandakı fəaliyyəti haqqında yazacağı sənədli-bədii kitab barədə görüş iştirakçılarına məlumat verib. Bildirilib ki, Nobel qardaşlarının Azərbaycandakı neft hasilatı və nəqli sahəsindəki fəaliyyəti onların adını daşıyan cəmiyyət və tarixçilər tərəfindən daim diqqətdə saxlanılır, bu istiqamətdə araşdırmalar aparılır.

Görüş zamanı B.Yanqfeldt Nobel qardaşlarının fəaliyyətinə dair Dövlət Tarix Arxivində, həmçinin Dövlət Kino-Foto Sənədləri Arxivində mühafizə olunan bir sıra nadir sənədlərlə tanış olub.