Bundan başqa, sistem sürücünün vəziyyətini də izləyəcək
Nissan şirkəti sürücülərə küncə baxmağa imkan verəcək yeni I2V (Invisible-to-Visible) avtomobil sistemini elan etdi. Texnologiyanı CES istehlakçı elektronikası sərgisi zamanı təqdim edəcəklər.
I2V sistemi avtomobil kameralarındakı informasiyanı bulud yaddaşındakı məlumatlarla birləşdirməyə qadirdir. Nəticədə o təkcə maşın ətrafındakı sahəni nəzarətdə saxlamır, həm də onun qarşıdakı yolunda maneələri proqnozlaşdıra bilir.
Bəzən elektronika binanın küncündə və ya döngədə nə olduğunu sürücüyə göstərə bilər. Nissanda söz veriblər ki, sistem yol hərəkətinin digər iştirakçıları barədə “insan kimi” məlumatlandıracaq.
Bundan başqa, texnologiya yol nişanları barədə göstərişlər verəcək və sürücünün vəziyyətini izləyəcək. İnsan yorulanda o idarəetmədə kömək təklif edəcək və ya kofe içmək üçün dayanmağı məsləhət görəcək. Ətraflı məlumatı Nissan mühəndisləri 7 yanvarda CES sərgisində açıqlamağa söz verirlər.
Mənbə: Rueconomics.ru
Şərhlər
Şərhləri göstər Şərhləri gizlət