"Neftçi"nin "Keşlə"yə vurduğu qol tarixə düşüb
Azərbaycan Premyer Liqasının X turunda səfərdə “Keşlə”ni 1:0 hesabı ilə məğlub edən “Neftçi” mövsümdə 20-ci qolunu vurub.
"Report" Peşəkar Futbol Liqasının rəsmi saytına istinadən xəbər verir ki, yubiley qoluna Mirabdulla Abbasov imza atıb.
Bu, həm də 1992-ci ildən keçirilən ölkə çempionatlarında tarixi qol olub. Cari mövsümədək 1280 dəfə fərqlənən “ağ-qaralar” “ASK Arena”dakı qolla 1300-ə çatıb.
Azərbaycan çempionatlarında ən çox top vuran “Neftçi” 1300-cü qoluna 759-cu matçında nail olub. Paytaxt təmsilçisinin orta məhsuldarlığı 1,71-ə bərabərdir. Komanda bu qollardan 755-ni evdə, 525-ni səfərdə, 20-ni neytral meydanda rəqib qapısından keçirib.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət