Neft kəskin ucuzlaşsa, Kreml nə edəcək? – Siluanov

Neft kəskin ucuzlaşsa, Kreml nə edəcək? – Siluanov

Neftin qiyməti kəskin aşağı düşəcəyi halda Rusiyanın qızıl ehtiyatlarının hesabına öhdəliklərini yerinə yetirmək üçün vəsaiti qalacaq.

Axar.az xəbər verir ki, bu sözləri Rusiyanın Maliyyə naziri Anton Siluanov deyib.

Onun sözlərinə görə, aşağı neft qiymətləri təbii olaraq Rusiyaya təsir edəcək, çünki ölkə iqtisadiyyatı neft istehsalı və emalından olduqca asılıdır. Büdcədə neftin qiyməti kimi 42 dollar götürülüb.

Qiymət fərqindən asılı olmayaraq Rusiya öhdəliklərini yerinə yetirə biləcək, çünki dövlət büdcəsinə ÜDM-in 7 faizi həcmində qızıl ehtiyatı toplanıb.

Hətta neft 20-30 dollara qədər ucuzlaşacağı halda da, Rusiya büdcəsinə hər hansı bir təsiri olmadan 3 il ərzində öhdəlikləri yerinə yetirmək olacaq.