MMA döyüşçüsü Nəriman Abbasovdan növbəti qələbə
Azərbaycanın MMA döyüşçüsü Nəriman Abbasov növbəti qələbəsini qazanıb.
ATV.az xəbər verir ki, idmançımız “Fight Nights Global 90” çərçivəsinə qüvvəsini sınayıb.
"Qəbələ" klubunu təmsil edən 24 yaşlı idmançımız ötən axşam Moskvada keçirilən yarışda Rusiyalı Mixail Qoqitidze ilə üz-üzə gəlib.
Yüngül çəki dərəcəsində baş tutan döyüş Abbasovun texniki nokautla qələbəsi ilə başa çatıb. İdmançımız artıq ilk raundda rəqibini məğlub edib.
Qeyd edək ki, bu Nəriman Abbasovun karyerasında 23-cü qələbə olub. İndiyədək 27 döyüş keçirən idmançımız yalnız dörd dəfə məğlubiyyətlə üzləşib. Nəriman bu turnir çərçivəsində isə 18-ci qələbəsini qazanıb. O, bu döyüşədək bu turnirin reytinqində IV yerdə idi.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət