Misirdə kütləvi edam hökmü çıxarıldı
Misirin İsmailiyə şəhərinin Cinayət məhkəməsi əyalətin mərkəzi həbsxanasından kütləvi qaçışda iştirak etdiklərinə görə 13 nəfər barəsində edam hökmü çıxarıb.
Oxu.Az-ın verdiyi xəbərə görə, sözügedən hadisə 2016-cı ildə baş verib və yerli mətbuat tərəfindən “böyük qaçış” adlandırılıb.
Adi canilərlə bərabər zindandan həmçinin İŞİD terror təşkilatının Sinay yarımadasında fəaliyyət göstərən qolunun 4 üzvü də qaçıb.
Hüquq mühafizə orqanları qaçanların çoxunu təkrarən həbs etsə də, onlardan 6-sını tapmaq mümkün olmayıb.
Hadisə baş verərkən iki polis əməkdaşı yaralanıb, təqib zamanı isə mülki vətəndaş təsadüfi güllənin qurbanı olaraq dünyasını dəyişib.
Şərhlər
Şərhləri göstər Şərhləri gizlət