Mirzə Məhəmməd Tağı Qumri - Çıxmaz başımdan eşq ilə sevdası dilbərin
Çıxmaz başımdan eşq ilə sevdası dilbərin,
Könlümdə var həmişə təmmənnası dilbərin,
Nuş etmişəm şərabi-məhəbbət ələstdə,
Getməz ölüncə nəşeyi-səhbasi dilbərin.
Vaiz, məlamət etmə məni, həq mənimlədir,
Gəl bax, bu mən, bu sən, bu tamaşası dilbərin.
Cənnətdə hər nə vardı, sənin, qoy mənim ola
Bir kəlmə söhbəti-fərəhəfzası dilbərin.
Yox özgə məşqi vəsli-raxi-yardən səva,
Qumri olubdur aşiqi-şeydası dilbərin.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət