Millimiz ruslara penaltilərdə uduzdu
Portuqaliyanın Nazare şəhərində Avropa Liqası (Euro Beach Soccer League) turnirində iştirak edən çimərlik futbolu üzrə Azərbaycan milli komandası ilk oyununu keçirib.
Oxu.Az xəbər verir ki, Rusiya millisi ilə qarşılaşmanın əsas və əlavə vaxtı 3:3 hesabı ilə başa çatıb.
Qalibi müəyyənləşdirmək üçün yerinə yetirilən penalti seriyasında rəqib daha dəqiq oynayıb və 4:3 hesabı ilə qalib gəlib. Oyun zamanı millimizin qollarını Sabir Allahquliyev, Elşad Manafov və Amid Nəzərov vurub.
Millimizdən penaltini Rüfət Məmmədov vura bilməyib.
Qeyd edək ki, komandamız turnir çərçivəsində növbəti oyununu bu gün daha güclü komanda olan İspaniyaya qarşı keçirəcək.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət