Millimiz Niderlanda qarşı

Bu gün qadın voleybolçular arasında Avropa Olimpiya Təsnifat Turnirinə start veriləcək. 

“Qafqazinfo” xəbər verir ki, Tokio-2020 Yay Olimpiya Oyunlarında Avropanı təmsil edəcək sonuncu komanda adına namizəd olan 8 yığma lisenziyanın sahibini müəyyənləşdirəcək.

Niderlandın Apeldorn şəhərində təşkil olunacaq yarışda Azərbaycan yığması da mübarizə aparacaq. Komandamız ilk dəfə Olimpiadaya qatılmaq niyyətindədi.

A qrupunda yer alan voleybolçularımız ilk sınağını bu gün verəcək. Yeni baş məşqçi Vasif Talıbovun rəhbərliyi altında debüt görüşü bu gün ev sahibi Hollandiyaya qarşı olacaq.
Əvvəlcə isə qrupun digər matçı keçiriləcək. Polşa Bolqarıstanla üz-üzə gələcək.
 
Avropa Təsnifat Turniri
A qrupu, I tur
7 yanvar

22:30. Azərbaycan - Niderland
Apeldorn (Niderland), "Omnisport" salonu.
Azərbaycan millisinin heyəti: 14. Kristina Yaqubova, 18. Şəfaqət Alışanova, 6. Ayşən Abduləzimova, 21. Kseniya Pavlenko, 22. Mariya Kirilyuk, 3. Anastasiya Qurbanova, 4. Nelli Salbişvili, 8. Yelizaveta Səmədova, 10. Nikalina Başnakova, 17. Polina Rəhimova, 20. Marqarita Əzizova, 16. Yuliya Kərimova, 19. Bəyaz Alıyeva.