Milli Məclisin deputatları Əhali və İnkişaf üzrə Avropa Parlament Forumunda iştirak edəcək

Milli Məclisin deputatları Əhali və İnkişaf üzrə Avropa Parlament Forumunda iştirak edəcək

 Hindistanın Nyu Dehli şəhərində Əhali və İnkişaf üzrə Avropa Parlament Forumu keçiriləcək.

Azərbaycan Milli Məclisinin (MM) Mətbuat xidmətindən "Report"a verilən məlumata görə, dekabrın 12-də və 13-də keçiriləcək tədbirdə MM-in deputatları Məlahət İbrahimqızı və Kamilə Əliyeva iştirak edəcəklər.

Ümumdünya Səhiyyə Təşkilatının Hindistanın Səhiyyə və Ailə Rifahı Nazirliyi ilə birlikdə təşkil etdiyi Forumda ana, uşaq və yeniyetmələrin sağlamlığının qorunması, bu sahədə fəaliyyətin təkmilləşdirilməsi, təcrübə mübadiləsi və tibbi yeniliklər müzakirə olunacaq.