Meyvə şirələri hansı xəstəliyə faydalıdır?

Mütəxəssislər xəstəliklərdən qorunma və sağlam bir həyat tərzi üçün güclü bir immunitet sisteminin lazım olduğunu bildirib.

Metbuat.az Türkiyə mediasına istinadən xəbər verir ki, bunun üçün vitamin tərkibli, antioksidan və minerallar baxımından güclü meyvə şirələrindən istifadə edilməsi tövsiyyə olunur.

Portağal şirəsi

Bir stəkan portağal şirəsi gündəlik C vitamini ehtiyacını qarşılayır. Tərkibində bir çox vitamin və minerrallar olan portağal şirəsi xərçəng hüceyrələrinin inkişafının qarşısını alır və kapilyar damarları gücləndirir.

Ərik şirəsi

Bir stəkan ərik şirəsi gündəlik A vitamini ehtiyacının 3-də 1 hissəsini qarşılayır. Ərik sadəcə qəbzlik deyil həssas bağırsaq xəstəliyi,diş xəstəlikləri , apandisit, şəkər, ürək xəstəlikləri , bağırsaq xərçəngi kimi xəstəliklərin yaranma riskini azaldır, bağırsaqların davamlı işləməsini təmin edir.

Üzüm şirəsi

A, B və C vitaminləri ilə zəngin olan üzüm suyunun tərkibində həm də bol miqdarda potasium və dəmir mövcuddur. Güclü antioksidan xüsusiyyəti sayəsində bədəndə olan sərbəst radikallar ilə mübarizə aprarır. Hüceyrələrdəki zədələri azaldır və immunitet sistemini gücləndirir.

Nar şirəsi

Xolestrol və şəkəri tənzimləyərək ürək sağlamlığını qoruyur və xərçəng hüceyrələrinin inkişafının qarşısını alır. Bundan başqa bağırsaq parazitlərini də düşürmədə təsirlidir.

Alma şirəsi

Almanın tərkibində immunitet sistemini gücləndirən B3, E vitamini və potasium var. Qan şəkərini nəzarətdə saxlayan alma suyu baş ağrısını da aradan qaldırır.