Messi: “Məğlubiyyət bizə çox toxunur”
"Barselona" “Atletiko” ilə görüşdə çox bəsit səhvlərə yol verib".
Azadinform xəbər verir ki, bunu “Barselona”nın hücumçusu Lionel Messi İspaniya Superkubokunun yarımfinalında “Atletiko” ilə keçirilən oyunu (2:3) dəyərləndirərkən bildirib.
O qeyd edib ki, bu, bizə çox toxunur, axı 80 dəqiqə ərzində biz oyuna nəzarət etmişik və qələbəni əldən verməməli idik: “Çox bəsit səhvlərə yol verib iki qol buraxdıq, lakin biz güclü komandayıq və irəli gedəcəyik”.
Qeyd edək ki, “Barselona” “Atletiko” ilə oyunda üstünlüyü ələ keçirsə də, sonda 2:3 hesabı ilə məğlub olub.
Əlavə edək ki, “Atletiko” finalda Madridin “Real” klubu ilə qarşılaşacaq. “Real” yanvarın 8-də 3:1 hesabı ilə “Valensiya”ya qalib gəlib.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət