"Messi futbolun yeganə dahisidir" - Kapello

"Messi futbolun yeganə dahisidir" - Kapello

"Real", "Milan", "Roma", "Yuventus" kimi klubların və İngiltərə millisinin sabiq çalışdırıcısı Fabio Kapello "Barselona"nın hücumçusu Lionel Messi haqda danışıb.

Qol.az-ın məlumatına görə, ölkəsinin mətbuatına açıqlama verən italiyalı mütəxəsis argentinalı superulduzu futbolun yeganə dahisi adlandırıb:

"O, bir dahidir. Dünya futbolundakı yeganə dahi. Düzdür, Argentina millisi ilə kubok qazana bilmədi. Çünki tək başına heç nə edə bilməzdi".

Qeyd edək ki, son olaraq ötən il Çinin "Tszyansua Sunin" klubunda işləyən italiyalı çalışdırıcı ötən ilin aprelində məşqçi karyerasını bitirib.