Messi də FİFA-nın tədbirindən imtina etdi
"Barselona"nın futbolçusu Lionel Messi FİFA-nın bu gün Londonda təşkil edəcəyi mükafatlandırma mərasimində iştirak etməyəcək.
Qol.az-ın "Mundo Deportivo"ya istinadən yaydığı xəbərə görə, ilin ən yaxşı qolu adına namizədlər arasında yer alan Argentina millisinin kapitanı şəxsi səbəblərdən bu tədbirə qatılmayacaq.
Qeyd edək ki, L.Messi 12 ildən sonra FİFA-nın açıqladığı ən yaxşı futbolçu adına üç namizəd arasında yer almayıb. Namizədlər Kriştiano Ronaldo ("Real"/"Yuventus", Portuqaliya), Luka Modriç ("Real", Xorvatiya) və Məhəmməd Salahdır ("Liverpul", Misir).
Xatırladaq ki, bundan əvvəl K.Ronaldanın FİFA-nın tədbirinə getməyəcəyi barədə xəbərlər yayılıb.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət