‘Məsələn, Türkiyə və Ukraynadakı vətəndaşlarımız ən yaxşısı elə orda qalsınlar’ – Elmar Məmmədyarov

‘Məsələn, Türkiyə və Ukraynadakı vətəndaşlarımız ən yaxşısı elə orda qalsınlar’ – Elmar Məmmədyarov

“Xarici İşlər Nazirliyi bütün səfirliklər və diplomatik nümayəndəliklərə tapşırıqlar verib ki, bir-bir hamı ilə danışsınlar”.

Azərbaycan 24 xəbər verir ki, bunu Nazirlər Kabinetində Baş Nazir Əli Əsədovun sədrliyi ilə keçirilən Operativ Qərargahın iclasında Xarici işlər naziri Elmar Məmmədyarov deyib.

“Çünki əgər vətəndaşlar köməklik etmək istəyirlərsə, imkan daxilində öz evlərində qalsınlar. Misal üçün, Türkiyədə və ya Ukraynada. Çünki onlar virus daşıyıcısı ola bilərlər. Ona görə də imkan daxilində bir-bir danışırıq ki, qoy olduqları yerdə qalsınlar. Çünki Azərbaycana gəlib karantində qalacaqlar. Ondan yaxşısı elə öz yaşadıqları yerlərdə qalsınlar”, – deyə E.Məmmədyarov vurğulayıb.