Məşədi Bikə - Sarıtorpaq məhəlləsi
Şamaxının anasıdır,
Sarıtorpaq məhəlləsi.
Şeir, sənət yuvasıdır,
Sarıtorpaq məhəlləsi.
Sinədəftər yazarları,
Çeşid-çeşid bazarları,
Hər insana etibarlı,
Sarıtorpaq məhəlləsi.
Şahlar, xanlar diyarıdır,
Şirvanın namus, arıdır,
Quş südü desən, vardır,
Sarıtorpaq məhəlləsi.
Kimlər gəldi, kimlər getdi,
Bağında gül, nərgiz bitdi,
Qırğında çoxları itdi,
Sarıtorpaq məhəlləsi.
Bikə burda boya çatdı,
Söz dedi, yazdı, yaratdı,
İlhamıma bir qanaddı,
Sarıtorpaq məhəlləsi.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət