Məmmədyarov-Mnatsakanyan görüşü olacaq – Rəsmi Bakıdan açıqlama
Rəsmi Bakı Azərbaycan və Ermənistan xarici işlər nazirlərinin (Elmar Məmmədyarov və Zohrab Mnatsakanyan) bu ilin dekabr ayında Milanda keçiriləcək ATƏT-in Nazirlər Şurasının iclası çərçivəsində görüşü barədə mətbuatda yayılan məlumata münasibət bildirib.
Bu haqda Modern.az-a Xarici İşlər Nazirliyindən məlumat verilib.
Qeyd olunub ki, Azərbaycan Ermənistan xarici işlər naziri ilə nəinki beynəlxalq tədbir çərçivəsində, həm də kənar formatda substantiv və nəticəyə yönəlik danışıqlar üçün görüşməyə razı olduğunu hər zaman bildirib.
“ATƏT-in Minsk Qrupunun həmsədrləri bu görüşlərin təşkili istiqamətində müvafiq iş aparırlar. Azərbaycan tərəfi həmsədrlərin sülh danışıqlarını irəli aparmaq və Ermənistanı danışıqlarda konstruktiv mövqeyə gətirmək təklifini dəstəkləyir”.
Şərhlər
Şərhləri göstər Şərhləri gizlət