MEK-də Yevgeni Bertelsin şəxsi kitab kolleksiyası saxlanılır

Azərbaycan Milli Elmlər Akademiyasının (AMEA) Mərkəzi Elmi Kitabxanasında (MEK) nizamişünaslığın banilərindən biri, İran və Dəməşq Ərəb EA-nın müxbir üzvü Bertels Yevgeni Eduardoviçin zəngin kitab kolleksiyası mühafizə edilir.

MEK-in Şərq ədəbiyyatı fondunda qorunan kolleksiyaya “Cловарь Старофранцузского Языка”, “Шахнаме (Фирдоуси)”,  “Научные Труды”(С.В.Бахрушин), “Сказки и Стихи Афганистана”, “Введение в теорию перевода” (А.В.Федоров), “Греческая Трагедия”, “Imperial Palace” (Arnold Bennett), “Die Schuld Des Stephan Thoss” (Klaus Herrmann), “Опыт Исследования Значения Логики” (Шарль Серрюс) və digər nəşrlər daxildir.

4257 nüsxədən ibarət kolleksiyanın 2347 nüsxəsi Şərq və Avropa, 1940 nüsxəsi isə Rus və müxtəlif dilləri əhatə edir.

Qeyd edək ki, MEK-də bu qəbildən mövcud olan digər görkəmli alimlərin də şəxsi kitab kolleksiyaları dəyərli olmaqla yanaşı, həm də qiymətli və aktual elmi mənbələrdir.

AMEA Mərkəzi Elmi Kitabxanasının

İctimaiyyətlə əlaqələr və informasiya şöbəsi

pr.mek.az@gmail.com

(012) 539-73-67 ( daxili 14-14)