Məhəmməd Füzuli - Üzünü güzgüyə qeybətdə oxşadan qafil
Üzünü güzgüyə qeybətdə oxşadan qafil,
Toxunsa üz-üzə olmazmı ara yerdə xəcil.
Buraq niqab ki, bilsin kəmali-sün’i görüb,
Firiştə xilqəti-Adəmdə şübhəsin batil.
Hədisi-vəhyvəşin zaye’ etmə əğyarə,
Rəvamıdır, edəsən qədrin ayətin nazil.
Hərimi-kuyini göstər nümunə, eylə səvab
Kim, ola cənnət içün xəlq taətə mail.
Səni qoyub, bütə eylər ibadətin kafir,
Əzabi-duzəxə ol vəchdən olur qabil.
Həkimə nəfyi-qiyamət xətasını bildir,
Qiyam göstər ona, e’tiqadın et zail.
Qərəz Füzuliyə ancaq əlində ölməkdir,
Vəli məhaldır ol həm, sən olıcaq qatil.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət