Mədənizi qorumaq üçün bunlara əməl edin

Mədənizi qorumaq üçün bunlara əməl edin

Gərgin iş qrafikində çalışanlar və oturaq həyat tərzi keçirənlər adətən mədənin xroniki qastritindən əziyyət çəkirlər.

“Qafqazinfo” xəbər verir ki, həkimlər belə insanlar üçün xüsusi qidalanma rejimi və menyusu məsləhət görürlər. Belə ki, mədə ağrılarının və xəstəliklərin qarşısını almaq üçün hər gün eyni saatda qidalanmaq lazımdır. Gündə 4-5 dəfə az miqdarda qida qəbul edilməlidir. Yemək fasilələrində yüngülvari şor, banan, quru meyvə və müsli yemək olar.

Səhər yeməyində sıyıq, süd məhsulları və yumurta, nahara şorba, yağsız tərəvəzli ət, şam yeməyinə tərəvəzlərlə qaynadılmış hind toyuğu və ya sadəcə toyuq yeyilməlidir.

Bundan başqa, fiziki aktivlik artırılmalı, zərərli vərdişlərdən imtina olunmalıdır. Fast-fud, qazlı içkilər və çipslər isə qadağandır. Əlavə olaraq vitaminlər qəbul edilə bilər.