Koronavirus yoluxduqda günlər üzrə necə inkişaf edir?

Dünyadakı həkimlər, koronavirusun təzahürlərinin 38 - 39 ° C arasında hərarətlə müşayiət olunan mövsümi qripə çox bənzədiyi fikrində ortaq mövqe sərgiləyirlər. Ens.az bildirir ki, simptomlar arasında dəqiq bir fərq yoxdur, bu yalnız bir test təhlili ilə müəyyən oluna bilər.

Xoşbəxtlikdən, bir çox insan üçün xəstəlik soyuqdəyməyə bənzəyən yüngül formada gedir. Koronavirusun simptomları 5-22 gün ərzində inkubasiya dövründə insanlarda fərqli şəkildə özünü göstərir. Daha tez-tez rast gəlinən 3-5 gündür. Koronavirus infeksiyası insan orqanizmində dəyişir və yalnız çoxaldıqdan sonra orqanlara təsir etməyə başlayır.

İlk gündə əksər hallarda temperatur yüksəlir, zəiflik, titrəmələr, yorğunluq, daimi yuxu istəyi olsa da, yuxuya gedə bilməməklə müşayiət olunan hal görünür. Xəstə öskürəkdən, boğazda acışma, qızdırma, əzələlərdə ağrı, göz, baş ağrısından əziyyət çəkir. Buna bəzən ishal, qusma, qarın sancısı və ürək bulanması əlavə edilə bilər.

İmmunitet sistemi zəifdirsə, xəstələr tərəfindən "dərindən nəfəs ala bilməməmək" kimi xarakterizə edilən nəfəs çətinlikləri dərhal görünə bilər.

2-7-ci gün: simptomlar davam edir, hərarət yüksələ və qızdırma əleyhinə dərman qəbul etdikdən sonra düşə bilər. Ağciyərlərə infeksiyanın nüfuz etməsi səbəbiylə nəfəs almaq çətinləşir. Xroniki yorğunluq artır.

8-ci gün xəstəliyin gedişində dönüş olur. Xəstəlik yüngül formada davam edirsə, yaxşılaşma baş verir. Ağır vəziyyətdə olduqda ağciyərlər normal fəaliyyətini dayandırır və oksigen açlığı yaranır. Süni nəfəs aparatı qoşmaq üçün təcili tibbi yardım tələb olunur.

9-11-ci gün yüngül hallarda, sağalma başlanır. Ağır hallarda da qarın ağrısı ilə müşayiət olunan vəziyyətin tədricən yaxşılaşması hiss olunur.

12-14 -cü gün artıq hərarət yüksəlmir, ancaq öskürək hələ bir müddət davam edə bilər, habelə yorğunluq halı da.

15-22 gün tam sağalma başlayır.

Qeyd etmək lazımdır ki, 14-cü gün vəziyyətin yaxşılaşması hələ COVID-19 üzərində tam qələbəni göstərmir. Hələ geri qayıda bilər. Koronavirusun immunitet vermədiyinə dair şübhələrin olması bu həqiqətə bağlıdır. Xəstələrdə bəzi hallarda təkrar pisləşmə baş verə bilər.

Daha əvvəl uşaqlarda simptomların aşkarlanmasının çox çətin olduğu deyilirdi. Çin həkimləri və molekulyar bioloqlar koronavirus infeksiyasının uşaqlarda şiddətli pnevmoniyaya səbəb olmadığını müəyyən ediblər.

Mənbə: www.medikforum.ru