Keçmiş vəkilindən Trampla bağlı etiraf - “2 qadını susdurmaq üçün...”
ABŞ prezidenti Donald Trampın haqqında cinayət işi qaldırılan keçmiş vəkili Maykl Koen seçkiqabağı kampaniya zamanı “müştərisinin istəyi ilə” susmaları üçün iki qadına rüşvət təklif etdiklərini boynuna alıb.
“Qafqazinfo” xarici mediaya istinadən xəbər verir ki, Koenun vəkili Lenni Devis bununla bağlı Tvitterdə yazıb:
“Bu gün Koen məhkəmə qarşısında etiraf etdi ki, Donald Tramp iki qadına prezident seçkilərinə təsir göstərdikləri üçün ödəniş etmək göstərişi verib. Əgər bu hərəkət Maykl Koenin cinayəti sayılırsa, bəs Donald Tramp niyə günahsız hesab edilir?”.
Qeyd edək ki, Trampın hazırkı vəkili Rudi Culiani ötən gün açıqlamasında Koenin ünvanına səsləndirilən ittihamların Donald Trampla heç bir əlaqəsi olmadığını bildirmişdi.
Şərhlər
Şərhləri göstər Şərhləri gizlət