Karqo şirkətləri idxal zamanı malları ətraflı və dəqiq təsvir etməli olacaqlar

Karqo şirkətləri idxal zamanı malları ətraflı və dəqiq təsvir etməli olacaqlar

Yanvarın 10-da Bakı Baş Gömrük İdarəsində üçüncü şəxslər üçün mal idxal edən şirkətlərin nümayəndələri ilə görüş keçirilib.

"Marja" xəbər veri ki, görüşdə Bakı Baş Gömrük İdarəsinin rəhbərliyi, Vergilər Nazirliyinin İdxal-ixrac Əməliyyatları üzrə Nəzarət Baş İdarəsinin əməkdaşları və üçüncü şəxslər üçün mal idxal edən şirkətlərin nümayəndələri iştirak edib. 

Görüşdə gömrük bəyannaməsinin doldurulması prosesində tətbiq edilən təkmilləşdirmələr barədə də məlumat verilib. Xüsusilə gömrük bəyannaməsinin 31-ci qrafasının doldurulması zamanı malların ətraflı və dəqiq təsvir edilməsinin vacibliyi vurğulanıb.

 

Sonda şirkət nümayəndələrinin təklifləri dinlənilib və onları maraqlandıran suallara ətraflı cavab verilib.