İspaniya klubuna yeni baş məşqçi təyin olunub
İspaniyanın "Selta" futbol komandasının baş məşqçi postunda dəyişiklik edilib.
"Report"un klubun rəsmi saytına istinadən verdiyi məlumata görə, Fran Eskriba portuqaliyalı Migel Kardozonu əvəzləyib. Kardozo son matçlardakı qeyri-qənaətbəxş nəticələrlə əlaqədar istefaya göndərilib. 26 turdan sonra "Selta" 25 xalla 17-ci pillədə qərarlaşıb. Son 10 görüşündən Viqo təmsilçisi 8 məğlubiyyət, 1 qələbə və 1 heç-heçə ilə ayrılıb.
Qeyd edək ki, Fran Eskriba əvvəllər "Xetafe", "Valensiya", "Benfika" və "Atletiko"da köməkçi-məşqçi, "Elçe" və "Xetafe"də baş məşqçi kimi çalışıb. O, son olaraq, 2016-2017-ci illərdə "Vilyarreal"a rəhbərlik edib.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət