İlk "Model 3" elektromobilləri artıq Avropaya çatıb

İlk "Model 3" elektromobilləri artıq Avropaya çatıb

ABŞ-ın elektrik avtomobil istehsalçısı “Tesla” şirkəti ilk “Model 3” maşınlarını Avropaya çatdırıb.

“Finans.az” xarici KİV-ə istinadən xəbər verir ki, Kaliforniyadan yollanan ilk partiya avtomobillər Belçikanın Zebrüqqe limanına çatıb. Növbəti partiyanın isə yaxın günlərdə gələcəyi gözlənilir.

Qeyd edək ki, əsasən Almaniya və Fransadan olmaqla Avropa sakinləri bütövlükdə 14 min ədəd “Model 3” elektromobili sifariş edib. Onların bir çoxu sifarişini 3 ildir gözləyir.

“Model 3” şirkətin ən büdcə avtomobilidir və onun kütləvi istehsalı “Tesla”nın məhfəət səviyyəsinə çıxmasının açarı hesab olunur.