Hindistan kiberhücumlarla mübarizə üzrə agentlik yaradacaq

Hindistan kiberhücumlarla mübarizə üzrə agentlik yaradacaq

Hindistan Silahlı Qüvvələri kiberməkanda təhdidlərlə mübarizə üçün agentlik yaradacaq. Agentlik yaxın vaxtda öz işinə başlayacaq.

tdaily.ru saytının məlumatına görə, yeni yaradılacaq agentlik idarələrarası qurum olacaq və yalnız orduya aid olmayacaq. Agentlik quru qoşunları, Hərbi Hava Qüvvələri və Hərbi-Dəniz Qüvvələrinin hərbi qulluqçularından formalaşdırılacaq. Yeni struktur kiberməkanda hücumların dəf edilməsi üçün nəzərdə tutulub.

Xatırladaq ki, ötən il Hindistana edilmiş kiberhücumların sayı 10% yüksələrək 1 milyona yaxınlaşıb. Hücumların 40%-i Çin, 25%-i ABŞ və 25%-i Pakistandan həyata keçirilib.

 

Mənbə: İct.az