Həyatın hansı səbəbdən əmələ gəldiyi müəyyənləşdi

Həyatın hansı səbəbdən əmələ gəldiyi müəyyənləşdi

Alimlər həyatın necə və hansı səbəbdən əmələ gəldiyini müəyyən edib.

"Ölkə.Az" xəbər verir ki, Almaniyanın Tübingen Universiteti və Fransadakı Nant Universitetinin alimləri günəş sistemindəki uzaq yerlərdən gələn meteoritlərin Yer kürəsində həyatın yaranmasında mühüm rol oynadığını müəyyən edib. Tədqiqatçılar maqma Yer səthinə töküldükdə meydana gələn süxurlarda selenium izotoplarının tərkibini ölçüb. Yer süxurları və meteoritlərin izotopik tərkibinin oxşarlığı seleniumun, suyun və həyatın qorunması üçün lazım olan digər maddələrin kosmik mənşəyindən xəbər verir.

 

Alimlərin fikrincə, aşkar edilmiş izotoplar mantiyaya yalnız nüvənin və ayın əmələ gəlməsindən sonra daxil ola bilər (3.9-4.5 milyard il əvvəl). Əvvəllər Yer mantiyasının müasir tərkibinin formalaşmasına kömək edən meteoritlərin Günəş sisteminin daxili bölgəsindən gəldiyinə inanılırdı.

 

Bununla birlikdə, izotopun tərkibi Yupiterin orbitindən kənarda olan karbonlu kondritlərə uyğundur. Hesablamalara görə, bu göy cisimləri Yerdəki bütün suyun 60 faizinin mənbəyinə çevrilib, yəni planetdə meteoritlərin düşməsi okeanların əmələ gəlməsi və həyatın inkişafı üçün yeganə səbəb olub.