Su prosedurları - kalori yandırmaq və arıqlamaq üçün əla bir yoldur
Böyük Britaniya alimləri idmanla məşğul olan təxminən qırx minə yaxın kişinin qatıldığı ciddi bir araşdırma aparıblar.
Otuz ildən çoxdur ki, mütəxəssislərin apardığı müşahidələr üzgüçülüyün ən faydalı və az travmatik idman növü olduğunu göstərir.
Ens.az Medicalxpress.com-a istinadən xəbər verir ki, təcrübə zamanı üzgüçülər arasında ölüm riskinin, məsələn, atletikaya cəlb olunan idmançılara nisbətən əlli faiz aşağı olduğu məlum olub.
Üzgüçülüyün bütün xəstəliklərdən, o cümlədən xroniki xəstəliklərin inkişaf etməsindən qoruyaraq insan orqanizminə kompleks faydalı təsir göstərdiyi qeyd olunur.
Bundan başqa, bu idman ürək-damar sistemini gücləndirir, tənəffüs orqanlarını inkişaf etdirir, müxtəlif əzələ qruplarını möhkəmlədir və dözümlülüyü artırır.
Üzgüçülük insanın zehni sağlamlığına da müsbət təsir göstərir. Stress və depressiyanın qarşısının alınmasında kömək edir. Bundan əlavə, su prosedurları kalori yandırmaq və nəticədə arıqlamaq üçün əla yoldur.
Şərhlər
Şərhləri göstər Şərhləri gizlət