“Günay Sığorta” kapital artımını yekunlaşdırıb

“Günay Sığorta” kapital artımını yekunlaşdırıb

"Günay Sığorta" ASC nizamnamə kapitalının 500 min manat və yaxud 6,5% artırılaraq 7,7 milyon manatdan 8,2 milyon manata çatdırılması prosesini yekunlaşdırıb.

"Report" "Bakı Fond Birjası" QSC-yə istinadən xəbər verir.

Məlumata görə, kapital artımı üçün hər birinin nominal dəyəri 1 000 manat olan 500 ədəd yeni adi, sənədsiz, adlı səhm ötən gün Birjada yerləşdirilib və əldə olunub.

Xatırladaq ki, "Günay Sığorta" 1992-ci ildə yaradılıb. Şirkətin səhmləri Yeganə Məmməd qızı Şirinovaya ("Günay Bank" ASC-nin 38,94%-lik səhmdarı) və Mahmud Məmmədova ("Günay Bank"ın 52,13%-lik səhmdarı və Müşahidə Şurasının sədri) məxsusdur.